Starfsmannastefna

Lykillinn að velgengni fyrirtækja er í vaxandi mæli fólginn í mannauði þeirra. Markmið fyrirtæksins er því að hafa yfir að ráða vel menntuðu, hæfu og áhugasömu starfsfólki sem sameiginlega skapar metnaðarfullt og jákvætt vinnuumhverfi.

Helstu áherslur í starfsmannamálum:

• Fyrirtækið sé eftirsóknarverður vinnustaður þar sem aðbúnaður og kjör eru samkeppnishæf.
• Starfsmenn þekki hlutverk og stefnu fyrirtæksins.
• Starfsmenn séu þjónustusinnaðir og tilbúnir að takast á við krefjandi og spennandi verkefni.
• Starfsfólki séu falin störf við hæfi þannig að hæfileikar þess og frumkvæði fái notið sín.
• Hæfni ráði vali á starfsmönnum.
• Nýir starfsmenn fái góða móttökur og nauðsynlega þjálfun til að þeir kynnist starfsháttum fyrirtækisins. Það tryggir að starfsmenn nái að aðlagast starfsumhverfi og fyrirtækjabrag þess og líði strax vel í starfi.
• Fyrirtækið mun stuðla að nauðsynlegri starfsþjálfun og aðstoða við sí- og endurmenntun starfsfólks.
• Leitast verður við að starfsmenn nái frama innan fyrirtækisins og hafi tækifæri til að þróast og vaxa í starfi.
• Að tryggja að starfsfólk fái reglulega að vita hvernig það stendur sig í starfi.
• Ölgerðin hvetur og styður starfsfólk til heilsuræktar og styður við félagsstarf starfsmanna.
• Þar sem gott starfsfólk er grunnur að vel reknu fyrirtæki þá leggur Ölgerðin mikla áherslu á að starfsandinn sé jákvæður og einkennist af sterkri liðsheild og mikilli hópkennd. Einnig er það mikilvægt að öll samskipti starfsmanna einkennist af gagnkvæmri virðingu og trausti.
• Tryggja góð samskipti og óhindrað upplýsingaflæði til og á milli starfsmanna þar sem það er grundvöllur þess að fyrirtæki nái að vaxa og dafna í þessu síbreytilega umhverfi. Því mun Ölgerðin stuðla að því að halda starfsmönnum sem best upplýstum um stefnu, markmið og árangur fyrirtækisins á hverjum tíma. Skýrar boðleiðir og óhindrað upplýsingaflæði á milli starfsmanna og starfshópa styrkir samheldni, eykur ábyrgð og bætir samskipti innan Ölgerðarinnar. 

Heilsustefna Ölgerðarinnar:
Ölgerðinni er umhugað um heilsu starfsmanna sinna og því er það liður í stefnu fyrirtækisins að byggja upp öfluga heilsu- og vinnuvernd til að stuðla að bættri líðan starfsmanna.