Vistró er nýyrði með vísanir í bæði vistir og veitingageirann. Vörumerkið og ásýnd þess voru þróuð í samstarfi við danska markaðsfyrirtækið CoPlus. Vistir eru aðföngin sem hvert eldhús þarf, og orðið "bistró" þekkja allir. Einnig má í nafninu finna skemmtilegar tengingar við gastro, maestro og fleiri orð sem tengjast veitingageiranum beint og óbeint.

Áberandi hluti Vistró merkisins er hringurinn yfir o-inu, sem er staðsettur hægra megin líkt og gráðumerki. Hann vísar til nákvæmni og vandvirkni í eldhúsinu, þar sem hver gráða skiptir máli. Þannig fær Vistró sína eigin meistaragráðu.