Jafnréttisstefna er skuldbinding Danól um stöðugar umbætur í jafnréttismálum og fjölbreytileika. Horft er til ákvæða laga nr. 150/2020 um jafnan rétt kynjanna og laga nr. 86/2019 um bann við allri mismunun fólks á vinnumarkaði á grundvelli kynþáttar, þjóðernisuppruna, trúar, lífsskoðunar, fötlunar, efnahags, litarháttar, ætternis, skerðingar á starfsgetu, aldurs, kynhneigðar, kynvitundar, kyneinkenna eða kyntjáningar.

Kynntu þér jafnréttisstefnu Danól og Ölgerðarinnar.

Starfsfólkið í Danól er dýrmætasta auðlind fyrirtækisins. Það er mikið kappsatriði að starfsfólki líði vel við störf sín og að það vaxi og dafni í starfi. Því er séð til þess að starfsfólk njóti góðrar þjálfunar og að góður árangur í starfi skili sér í aukinni ábyrgð og umbun innan fyrirtækisins.

Fræðsluþörf innan fyrirtækisins er reglulega greind með rýnihópum og viðtölum innan Danól. Innan fyrirtækisins er boðið upp á öfluga rafræna fræðslu þar sem starfsfólk getur sótt fræðslu á þeim tíma og þeim hraða sem hentar hverjum og einum. Þar hefur starfsfólk yfirsýn yfir það sem er í boði og hvers konar fræðslu það hefur þegar sótt.

Danól og Ölgerðin er skemmtilegur vinnustaður sem býr yfir stórum hópi með víðtæka þekkingu og reynslu. Sameiginlegt starfsmannafélag Mjöður heldur uppi öflugu félagslífi og stendur fyrir fjölbreyttum uppákomum og fleira skemmtilegu. Starfsfólk finnur mörg tækifæri til að koma saman og gleðjast og má þar nefna, starfsmannadaginn JÁ-daginn, bjórdaginn J-daginn, árshátíð, Októberfest, Sumargleði og fleira.